القائمة الرئيسية

الصفحات

5 طرق تساعدك لاطالة العمر الافتراضى للهاتف

خلال الفترة الاخيرة تطورت الاجهزة والهواتف المحمولة بشكل كبير، مما ادى الى ارتفاع اسعارها، ولو جيت ترقى الجهاز الخاص بيك لاحدث اصدار العملية دى هتكلفك مبلغ كبيير لذلك بنحتاج نطول فى العمر الافتراضي بتاع الهاتف وبالتالي يوفر كثير من المال.


اهلا بيكم فى موضوع جديد فى اليوم نستعرض معكم بعض الطرق السهلة لاطالة العمر الافتراضى لهاتفك تقدر تتبعها على الهواتف سواء كان هاتفك من الفئة الاقتصادية والمتوسطة وحتى الهواتف الرائدة..


  1. احرص على تحديث نظام التشغيل والتطبيقات باستمرار:


يعتبر تحديث نظام التشغيل والتطبيقات التي تستخدمها فى جهازك امر مهم وضرورى فى إطالة عمر الهاتف وكمان بتحافظ على أمن بياناتك، لان التحديثات دى تتضمن إصلاح الأخطاء، وحل مشكلات الأمان ( يعنى لو فى اى مشكلة فى تطبيق عند او اى فيروس على الجهاز او حتى عملية اختراق التحديثات دى بتبدأ تمحى العمليات دى خالص ) ومميزات تانية لتحسين اداء جهازك بشكل عام حتى يعمل بشكل اسرع وافضل اداء على قدر الامكان..


ولحسن الحظ التحديثات دى مش بتستغرق وقت طويل، وكمان بيقدم كل من نظام التشغيل اندرويد و IOS ميزة وهى تحديث التطبيقات تلقائيا.


فى هواتف اندرويد يمكنك تفعيل ميزة التحديثات التلقائية من خلال الاعدادات فى متجر جوجل بلاى، انما فى هواتف في هواتف آيفون


  • هتنتقل الإعدادات في هاتفك.

  • اضغط على خيار ( iTunes & App Store ).

  • فعل خيار التحديثات التلقائية أو ( App Updates ).


وبالنسبة لتحديثات نظام التشغيل في هاتفك، يمكنك التحقق من وجود تحديثات عن طريق الانتقال الى (الإعدادات) والبحث عن تحديث، واتباع الخطوات لتثبيته.


  1. حذف التطبيقات التى لا تستخدمها:


طبعا حجم الرام او ذاكرة التخزين الداخلية بتختلف من هاتف لهاتف، لذلك تضطر تحذف بعض التطبيقات اللى مش بتستخدمها بشكل روتينى عشان تقدر توفر مساحة تخزين، وبالتالي تمنع التطبيقات تخففها من العمل فى الخلفية، عشان تقدر تحصل على اداء افضل واسرع للهاتف.


  1. تجنب شراء شواحن بديلة غير اصلية او رخيصة:

طبعا بمجرد ضياع شاحن الهاتف الخاص بك تلجأ لشراء بعض الشواحن الرخيصة او غير الاصلية، من غير مراجعة المواصفات والتوافق بين الشاحن والهاتف لان فى ناس كتير ميعرفوش ان الشاحن والكابل اللى بييجوا مع الهاتف مصممين خصيصا له.


فا لو فقدت الشاحن بتاعك او حصل تلف للكابل وباظ متشتريش اى شاحن كدا وخلاص، لان احتمال يؤثر بشكل سلبى على الجهاز بتاعك، لان الشواحن والكابلات ليست من نوع واحد ومش بتتناسب مع اى هاتف، فكل شاحن له سعة امبير محددة تتناسب مع سعة بطارية الجهاز المصمم له، وكمان لما تشتري شاحن مش متوافق مع البطارية دا يتسبب فى عدم حصول البطارية على الشحن الكامل لذلك دا بيأثر على عمر البطارية.


فيفضل انك تشترى الشواحن والكابلات من الشركة المصنعة لهاتفك او من الموزعين المعتمدين.


  1. تجنب توصيل الشاحن بالهاتف طول الوقت:


طبعا كلنا او اغلبنا بننسى التليفون فى الشاحن لفترات طويلة. ولحسن الحظ، الجيل الجديد يدعم آليات تمنع الشحن الزائد لما بتوصل البطارية للحد الاقصى من الشحن، ودا ينطبق على الهواتف الذكية، والحواسيب المحمولة والاجهزة اللوحية.


وبالرغم من ذلك انك لما تسيب التليفون فى الشحن طوال الليل، يسبب ضرر للجهاز، لان البطارية هتفق قدرتها بشكل تدريجى مع كل دورة شحن، ودا السبب اللى بيخليك تلاحظ ضعف كبير فى سعة البطارية بسبب التفريغ واعادة الشحن المستمر.


  1. تجنب ارتفاع درجة الحرارة فى بطارية الهاتف:


معروف ان ارتفاع درجة حرارة الهاتف تقلل من عمر البطارية مع مرور الوقت، لذلك يجب عليك وضع الهاتف بعيد عن أشعة الشمس القوية، ولوحة القيادة في السيارات، وفتحات النوافذ لمنع ارتفاع درجة الحرارة التي تكون السبب فى تقليل قدرة البطارية بمرور الوقت. وطبعا في الحالات القصوى ممكن يحصل انفجار للبطارية ولانه نادر انه يحدث إلا أنه محتمل يحصل.


اكيد لو حافظت على بطارية هاتفك ابتداءا من اول يوم استخدام، هتلاقى نتائج كويسة على المدى البعيد، لأن هتلاحظ مع مرور الوقت ان البطارية لديها القدرة على الاحتفاظ بسعة شحن كبيره لحد عامين او أكثر من استخدام الهاتف.



هل اعجبك الموضوع :

تعليقات

التنقل السريع