القائمة الرئيسية

الصفحات

5 من افضل برامج المونتاج المجانية مع روابط التحميل.

برامج مونتاج مجانية


السلام عليكم ورحمة الله وبركاته اهلا بكم فى فيديو جديد ف الفيديو ده هنتعرف على مجموعة برامج تقدر تستخدمها في حياتك ك صانع محتوى فيديو او تشتغل فريلانسر.

طبعا كل البرامج اللى هنذكرها ف المقال ده مجانية بالكامل وتعتبر من افضل برامج الكمبيوتر والمونتاج اللى تقدر تعتمد عليها ف شغلك . وكمان هسيبلك رابط التحميل بتاع كل برنامج اسفل البرنامج.

طبعا فى كتير من برامج المونتاج بس بتكون مدفوعة زى برنامج (ادوبى بريمير- سونى فيغاس) وبرامج تانية كتيير بس مش بتكون بنفس المستوى في الاحترافية زى برنامج كامتازيا ستوديو ودا برنامج من اسهل البرامج الخاصة بمونتاج الفيديو عشان كدا فى ناس بتحب تستخدمه وتلاقيه سهل فى الاستخدام 

اكيد فى مجموعة البرامج اللى احنا هنقولها دى لازم يكون متوفر فيها الحاجات اللى بتبقى فى اى برنامج مونتاج زي ان انت تدمج مجموعة فيديوهات مع بعض وتبدأ تعمل تعديل ع الصوت وتضيف تاثيرات و انتقالات والحاجات دى كلها.

وهنبدأ بقى نتكلم على البرامج دى واول برنامج معانا وهو...


  • Lightworks:


واجهة lightworks من افضل برامج مونتاج مجانية


البرنامج دا من افضل البرامج اللى ممكن تستخدمها وتعتمد عليها ف شغلك وتقدر تشتغل بيه على اى نظام تشغيل زى ويندوز وماك ولينكس والواجهة بتاعته قريبة من برنامج ادوبي بريمير لذلك ف البرنامج دا فرصة حلوة ليك انك تبدأ تشتغل عليه قبل ما تنتقل للبرامج الاحترافية.

والميزة ف البرنامج دا انك ممكن تصدر الفيديو بتاعك مواقع مشاركة الفيديو زى يوتيوب وغيره.. وبرضو تقدر تحفظ نسخة على جهازك بحيث انك ترفعها فى وقت زى مانت عاوز.


رابط تحميل برنامج lightworks مجاناً


  • برنامج Shortcuts :


أفضل برامج مونتاج مجانية مع روابط التحميل 1


البرنامج دا من البرامج مفتوحة المصدر والمجانية بشكل كامل وهتلاقى اضافات كثيرة تقدر تستخدمها وهتشتغل على البرنامج بشكل امن ومش هتواجهك اي مشاكل. وكمان البرنامج ده بيدعم صيغ كثيرة للصوت والفيديو والصور ويمكنك تصدير الفيديو بدقة 4K.

ومن خلال البرنامج دا بتستطيع انك تسجل فيديو مباشرة بالكاميرا وتستخدم المايك والبرنامج بييجى بواجهة سهلة الاستخدام والميزة فيه انك تقدر تعدل على الصوت بكل سهولة.

وبالرغم انك ممكن تلاحظ ان البرنامج بييجى بواجهة قديمة شوية الا انه بييجى ببعض المميزات الكافية لتعديل الفيديو بشكل احترافى وكمان متوفر على جميع انظمة التشغيل.


رابط تحميل Shortcuts مجاناً 


  • برنامج DaVinci Resolve : 


أفضل برامج مونتاج مجانية مع روابط التحميل 2


البرنامج دا يعتبر من أشهر البرامج على مستوى العالم فى تعديل الفيديو. دايما هتلاقى اى حد بيتكلم على برامج المونتاج هتلاقيه بيذكر البرنامج ده.


 لان البرنامج ده بيدعم مجموعة كبيرة من المميزات الكبيرة والاضافات زى تعديل الألوان بحيث انك ممكن تعمل color correction , color grading لذلك فهو مشابه لبرنامج ادوبي بريمير وربما يكون متفوق عليه لأنه برنامج مجاني لذا هتلاقى نااس كتيير بتستخدمه وتعتمد عليه كبرنامج اساسي ليهم وكان البرنامج دا بيتوفر بنسخة مدفوعة.

رابط تحميل برنامج DaVinci Resolve مجاناً 


  • برنامج Avidemux : 

 

أفضل برامج مونتاج مجانية مع روابط التحميل 3


ممكن تفكر فى البرنامج دا كبرنامج سريع لتعديل على الفيديو وتستخدمه فى قص الفيديو وصنع مقاطع صغيرة بس النقطة دى بتكون مهمة ومفيدة عند بعض الناس مهما كان البرنامج الاساسى اللى بيستخدمه فهو بعض الأوقات بيحتاج لبرنامج سريع وسهل الاستخدام. فالبرنامج ده هو البرنامج المناسب والاقتراح الاول للمهمة دى.

وممكن برضو تستخدم البرنامج دا كمحول أساسى لصيغ الفيديو بسهولة.


رابط تحميل برنامج Avidemux مجاناً .


  • برنامج HITFILM EXPRESS : 


أفضل برامج مونتاج مجانية مع روابط التحميل 4


ودا اخر برنامج معنا في القائمة وهو من اهم البرامج المجانية اللى تتميز بواجهة احترافية تسهل عليك انك تنتقل للبرامج الاحترافية. وكمان البرنامج بيقدر يتعامل مع مؤثرات الـ VFX بكل سهولة.

اى نعم البرنامج مجانى بس ممكن انك تدعم البرنامج عن طريق انك تتبرع بأى مبلغ تختاره للحصول على مجموعة من المميزات اللى هتساعدك ف شغلك. والمبالغ دى تتراوح ما بين 10 او 20 او 40 دولار زى مانت عاوز..


رابط تحميل برنامج HITFILM EXPRESS مجاناً .


بس دى كل القائمة بتاعت النهاردة اللى بتضم اكبر وافضل برامج المونتاج المجانية اللى تستخدمها ف شغلك وتبدا بيها رحلتك كمنشئ محتوى فيديو او فريلانسر.


هل اعجبك الموضوع :

تعليقات

التنقل السريع